әдістер, практика және тәжірибе
Қазақстанда алғаш рет бір алаңда жетекші халықаралық және өңірлік сарапшылар бас қосып, балабақшалардағы жағдайды шынайы түрде жақсартатын тәжірибелерімен бөлісті.
Бұл конференция — жай ғана іс-шара емес.
Бұл Қазақстандағы балабақшалардың сенімге, дамуға және қамқорлыққа толы кеңістікке айналуына жасалған қадам. Әлемдік үздік тәжірибелер деңгейінде.
| Конференцияның негізгі спикері – Ұлыбританиядан келген профессор, зерттеуші, ECERS-E шкаласының авторы Бренда Таггарт. Оның «Мектепке дейінгі білім берудің күші: зерттеулер және ерте жастағы білім берудің сапасы» тақырыбындағы баяндамасы ешкімді бей-жай қалдырмады. |
| Өз сөзінде ECERS Central Asia қауымдастығының негізін қалаушы, мектепке дейінгі білім беру сапасы жөніндегі халықаралық сарапшы және ECERS-3 бойынша якорлық деңгейіндегі сарапшы Гаухар Киикова шкаланы қолданатын балабақшалардың зерттеулері мен тәжірибесі туралы баяндады. |
| Өзбекстан мен Тәжікстаннан келген әріптестер атқарып жатқан жұмыстары және ECERS шкаласын қолдану тәжірибелерімен бөлісті. |
Түстен кейін конференцияның практикалық бөлігі басталды: қызығушылық орталықтары бойынша квест және қатысушыларға ECERS бойынша сертификатталған сарапшылар мен ECERS-практик тәрбиешілерден экспресс-оқыту.
- Драмалық ойын орталығы — Алматы қаласының «Өнер» балабақшасы тарапынан таныстырылды.
- Текшелер орталығы — Алматы облысы Іле ауданының «Солнышко» балабақшасы тарапынан таныстырылды.
- Табиғат пен ғылым орталығы — Қонаев қаласының «Академия детства» балабақшасы тарапынан таныстырылды.
- Шығармашылық орталығы — Астана қаласындағы «Aina Reggio» балалар орталығының жетекшісі әрі ECERS бойынша сапаны бағалау жөніндегі сарапшы тарапынан таныстырылды.
- Ұсақ моторика орталығы — Алматы қаласының «Мөлдір бұлақ» балабақшасы тарапынан таныстырылды.
- Математика орталығы — Боралдай кентінің «Умная пчелка» балабақшасы тарапынан таныстырылды.
- Оқу орталығы мен оңаша ойнауға арналған кеңістік — Ақтөбе қаласының «Рауан» балабақшасы тарапынан таныстырылды.
- Конференция қатысушыларына кеңістікті аймақтарға бөлу дағдыларын тәжірибе жүзінде шыңдауға арналған интерактивті тренажер де ұсынылды.
Конференцияның практикалық бөлімінен кейін ECERS шкаласымен табысты жұмыс істеп жүрген мектепке дейінгі ұйымдардың жетекшілерімен панельдік сессия өтті.
Модератор: Ксения Фуфаева. Қатысушылар: Трофимова Анастасия, Ткачева Светлана, Жаналина Раушан, Нургалиева Лязат.
Сессияда келесі тақырыптар талқыланды:
- Балалардың жаңа ортаға бейімделуі;
- Тәрбиешілердің жұмысы қалай өзгерді;
- Арнайы білім беруді қажет ететін балалармен жұмыс;
- Ата-аналардың пікірлері;
- Клиенттер саны мен танымалдықтың артуы.
Конференцияның қорытынды бөлімінде халықаралық сапа стандарттары бойынша салынған Қазақстандағы алғашқы балабақша — Green City Garden жобасының таныстырылымы өтті. Балабақшаның ашылуы 2025 жылғы қарашаға жоспарланған. Green City Garden мектепке дейінгі білім беру сапасы саласында оқыту, тәжірибе және зерттеу жүргізуге арналған алаңға айналады. Балабақшаның негізін қалаушы конференцияның бас демеушісі ретінде сөз сөйледі.
- ECERS талаптарына сай, арнайы осы конференция үшін әзірленген VALDI компаниясының жиһазы;
- Оқу орталығына лайық балалар кітаптары — Steppe&World және Cocobee;
- Кеңістікті визуалды безендіруге арналған материалдар мен балабақшаларға әдістемелік құралдар — BalaLab;
- ECERS шкаласының қазақ тіліндегі нұсқасын сатып алу мүмкіндігі.
Конференцияның екінші күні жабық форматта өтті. Қатысушылар Қонаев қаласындағы «Академия детства» балабақшасына барып, трансформациядан кейін енгізілген барлық өзгерістерді өз көздерімен көрді. Сондай-ақ ECERS бойынша 5,1 балл алған топпен танысты — бұл «жақсы сапа» деңгейі және Қазақстанда осындай жоғары бағаға қол жеткізген жалғыз топ.
Бұдан бөлек, біз екі воркшоп өткіздік: бірі — балабақша басшыларына, екіншісі — тәрбиешілер мен әдіскерлерге арналды. Воркшоптар кезінде қатысушылар әріптестерінің тәжірибесін тыңдап, өздеріне маңызды сұрақтарды қоюға мүмкіндік алды.
